Hokkeıden álem chempıonaty: Qazaqstannyń jasóspirim qyzdary úshinshi jeńisine jetti
ASTANA. QazAqparat - Shaıbaly hokkeıden 18 jasqa deıingi jasóspirim qyzdar arasyndaǵy álem chempıonatynda qazaqstandyqtar úshinshi jeńisine qol jetkizdi, dep habarlaıdy QazAqparat tilshisi.
Kezdesý barysynda qazaqstandyq hokkeıshiler belsendilik kórsetti. Esepti alǵashqy bolyp Sofııa Roakovskaıa 4-mınýtta ashqan edi. Odan keıin el quramasynan Sofııa Zýbkova 9-mınýtta esepti ústemeleı tústi.
Qarsylas qurama atalǵan eki goldan keıin qatarynan úsh shaıba soǵyp, basymdyqty arttyra tústi.
Úshinshi kezeńde qazaqstandyq Kıra Kýhovskaıa 44, Sofııa Zýbkova 47, 57-mınýttarda mergendik tanytty.
Osylaısha qazaqstandyq hokkeıshiler qarsylasynan 5:3 esebimen basym tústi.
Aıta ketsek, el quramasy ekinshi dıvızıonynda V tobynda synǵa túsedi. Qarsylastary - Bolgarııa, Jańa Zelandııa, Belgııa, Estonııa, Islandııa.
Buǵan deıin qazaqstandyq hokkeıshiler Bolgarııadan 8:1, Jańa Zelandııadan 7:1 esebimen basym tústi.
Endi el quramasy 31 qańtarda Estonııa, 2 aqpanda Islandııamen kezdesedi.
