Hokkeıden Álem chempıonaty: Qazaqstannyń kelesi qarsylasy - belarýstar
ASTANA. 7 mamyr. QazAqparat - Fınlıandııa jáne Shvetsııada ótip jatqan shaıbaly hokkeıden Álem chempıonatynda Qazaqstannyń qurama komandasy áli birde-bir jeńiske jete almady.
Erteń, mamyrdyń 8-i kúni bizdiń hokkeıshiler Belarýstyń ulttyq qurama komandasymen kezdesetin bolady.
Osy ýaqytqa deıin A.Shaıanovtyń shákirtteri eki kezdesý ótkizip, onyń ekeýinde de jeńilip qaldy. Birinshi oıynda qazaqstandyq hokkeıshiler Frantsııadan 3:6 esebimen utylsa, ekinshi matchta Shveıtsarııadan (1:5) aılasyn asyra almady. Endi, erteń Qazaqstannyń qurama komandasy úshinshi kezdesýdi belarýstyqtarmen ótkizetin bolady.
Buǵan deıin bizdiń qarsylastarymyz da eki ret jeńilgen edi. Olar Fınlıandııadan 0:1 esebimen jeńilip, Shveıtsarııadan 2:3 bolyp utyldy. Degenmen, Belarýs quramysynyń qaýqary qatty bolyp tur.
Aıta keteıik, shaıbaly hokkeıden Álem chempıonatynda Qazaqstannyń namysyn hokkeıshiler - Talǵat Jaılaýov, Roman Savchenko, Roman Starchenko, Dmıtrıı Dýdarev, Vadım Krasnoslobodtsev, Fedor Polışýk, Alekseı Troşınskıı, Vıtalıı Novopashın jáne taǵy basqalar qorǵap júr.
