Hokkeıden álem chempıonaty: Qazaqstan jasóspirimderi Japonııany oısyrata jeńdi

ASTANA. QazAqparat - Qazaqstan jasóspirimder quramasy shaıbaly hokkeıden álem chempıonatyndaǵy ekinshi oıynyn Japonııaǵa qarsy ótkizdi, dep habarlaıdy QazAqparat tilshisi.

Frantsııanyń Anje qalasynda 1A dıvızıonynda búgin ekinshi týr oıyndary ótti.

Qazaqstandyq hokkeıshiler kezdesý barysynda senimdi oıyn kórsetti. Birinshi kezeńniń 18-mınýtynda el quramasynan Artýr Gross kózdegen nysanadan múlt ketken joq.

Ekinshi kezeńde qazaqstandyq Kırıll Lıapýnov 21-mınýtynda esepti ústemeleı tústi.

Úshinshi kezeńde el quramasynan Aleksandr Kım 41-mınýtta basymdyqty arttyrsa, Kırıll Lıapýnov 44-mınýtta taǵy bir márte gol soqty.

Kezdesý núktesin 58-mınýtta Abaı Beısembaev qoıdy.

Osylaısha qazaqstandyq hokkeıshiler qarsylasynan 5:0 esebimen basym tústi.

Eske salsaq, budan buryn olar Vengrııany jeńdi.

Endi qazaqstandyq jasóspirimder quramasy 26 sáýirde Danııamen kezdesedi.

Al 27 sáýirde Ýkraına, 29 sáýirde Frantsııamen sheberlik baıqasady.