Hokkeıden álem chempıonaty-2020: Qazaqstan quramasy daıyndyǵyn bastaıdy
NUR-SULTAN. QazAqparat - Shaıbaly hokkeıden Qazaqstan quramasy sáýir aıynyń aıaǵynda álem chempıonaty top dıvızıonynyń fınaldyq kezeńine daıyndyǵyn bastaıdy, dep habarlaıdy QazAqparat tilshisi.
Esterińizge sala ketelik, dúbirli doda Latvııa astanasy - Rıga qalasynda 21 mamyr men 5 maýsym aralyǵynda bolady. Qazaqstan quramasy V tobynda synǵa túsedi. Qarsylastary - Kanada, Fınlıandııa, AQSh, Germanııa, Latvııa, Norvegııa, Italııa.
Qazaqstandyq hokkeıshiler alǵashqy oqý-jattyǵý jıynyn elordada ótkizip, «Barys» arenasynda daıyndalady. Al 15 sáýirde úmitkerler jeke jospar negizinde ázirligin júrgizedi. Al 29 sáýirde ulttyq quramaǵa shaqyrtý alǵan barlyq hokkeıshi elordaǵa jınalady. Odan keıin qurama Rıga qalasyna attanady. Onda 13 jáne 15 mamyr kúnderi Belarýs quramasymen eki joldastyq kezdesý ótkizedi.
Qazaqstandyq hokkeıshileri álem chempıonatyndaǵy alǵashqy oıynynda 22 mamyrda Latvııamen sheberlik baıqasady.
Qazaqstan quramasy buǵan deıin álem chempıonaty top dıvızıonynyń fınaldyq kezeńinde toǵyz márte baq synady. 2005 jyly ázirge eń joǵary kórsetkishi - 12 oryn aldy.
Eske sala keteıik, koronavırýs ınfektsııasynyń órshýine oraı 2020 jyly álem chempıonaty ótkizilgen joq.
