Hokkeıden álem chempıonatynda fınalǵa kimder shyqty
ASTANA. KAZINFORM — Shaıbaly hokkeıden 2026 jylǵy álem chempıonaty elıtalyq dıvızıonynda fınalǵa shyqqan eki qurama anyqtaldy.
Jartylaı fınaldaǵy alǵashqy kezdesýde Shveıtsarııa quramasy Norvegııany 6:0 esebimen tize búktirdi. Osylaısha olar úshinshi jyl qatarynan fınalǵa joldama alyp otyr. Degenmen shveıtsarııalyq hokkeıshiler óz tarıhynda birde-bir márte chempıondyq tuǵyrǵa kóterilgen joq. Qazirge deıin bes márte kúmis alsa, úsh márte qola júldeger boldy.
Sondaı-aq taǵy bir oıynda Fınlıandııa quramasy Kanadany 4:2 esebimen jeńdi. Nátıjesinde olar fınalǵa joldamany qaltaǵa basty. Olar sońǵy ret chempıondyq ataqqa 2022 jyly qol jetkizdi.
Fınal men 3-oryn úshin oıyn 31 mamyrda ótkiziledi.
Bıyl elıtalyq dıvızıonnan Italııa men Ulybrıtanııa quramalary túsip qaldy. Olardyń ornyn birinshi dıvızıonda alǵashqy eki orynǵa ıe bolǵan Qazaqstan men Ýkraına quramalary ıe boldy.
Shaıbaly hokkeıden álem chempıonaty 1920 jyldan beri turaqty túrde ótkizilip keledi. Kanada — 28, Reseı (KSRO) — 27, Chehııa (Chehoslovakııa)- 13, Shvetsııa — 11, Fınlıandııa — 4, AQSh — 3, Ulybrıtanııa men Slovakııa 1 márte chempıondyq tuǵyrǵa kóterildi.
