Hokkeıden Álem chempıonaty: Shırek fınalǵa shyqqan quramalar anyqtaldy

ASTANA. KAZINFORM - Shaıbaly hokkeıden 2025 jylǵy Álem chempıonaty elıtalyq dıvızıonyndaǵy irikteý kezeńi aıaqtaldy.

Jarystyń kelesi satysyna shyqqan barlyq komanda anyqtaldy. Endi 1/4 fınalda Kanada men Danııa, Shvetsııa men Chehııa, AQSh pen Fınlıandııa, Shveıtsarııa men Aýstrııa oınaıdy.

Shırek fınal oıyndary 22 mamyrǵa belgilengen. Jartylaı fınal 24 mamyrda ótse, 3-oryn úshin kezdesý men fınal 25 mamyrda bolady.

Álem chempıonatynda Qazaqstan quramasy V tobynda oınap jatyr. Qarsylastary - Fınlıandııa, Chehııa, AQSh, Germanııa, Danııa, Norvegııa jáne Majarstan. Oıyndar Danııanyń Hernıng qalasynda bolady.

El quramasy bıylǵy álem birinshiligin sátsiz ótkizdi. Qazirge deıin alty kezdesýdiń ireýinde basym tússe, beseýinde qarsylasyna ese jiberip qoıdy.

Aldymen Norvegııany (2:1) jeńip, Germanııa (1:4), Majarstan (2:4), Danııa (1:5), Chehııaǵa (1:8), AQSh-qa (1:6), Shveıtsarııaǵa (1:4) ese jiberdi.

El quramasy dúbirli dodaǵa bıyl 13 márte qatysyp otyr. Ázirge eń joǵary kórsetkishi — 2021 jylǵy onynshy oryn.

Álem chempıonaty 1920 jyldan beri turaqty túrde ótkizilip keledi.

Qazirge deıin Kanada — 28 Reseı (KSRO) — 27, Chehııa (Chehoslovakııa)- 13, Shvetsııa — 11, Fınlıandııa — 4, AQSh — 2, Ulybrıtanııa men Slovakııa -1 márte chempıondyq tuǵyrǵa kóterildi.