Hokkeıden álem chempıonaty: Chehııa quramasy Danııany iri eseppen jeńdi

ASTANA. KAZINFORM - Shaıbaly hokkeıden 2025 jylǵy álem chempıonaty elıtalyq dıvızıonynda 12 mamyrdaǵy sońǵy eki oıynnyń nátıjesi belgili boldy.

Qazaqstan quramasy synǵa túsip jatqan V tobynda Chehııa Danııany 7:2 esebimen oısyrata jeńdi.

Kezdesý barysynda chehııalyq hokkeıshilerdiń basymdyǵy baıqalyp turdy. Olardyń qatarynan Martın Nechas 23, Danıel Gazda 24, Davıd Pastrnıak 33, Lýkash Sedlak 36-mınýtta tórt gol soǵyp ketti. Oǵan danııalyq Nık Olesen 38-mınýtta bir golmen jaýap qaıyrdy.

Al Martın Nechas 44-mınýtta taǵy bir márte kózge tússe, danııalyq Krıstıan Vaıse Matıasen 46-mınýtta esep aıyrmasyn qysqartty.

Oıynnyń sońǵy mınýttarynda chehııalyq hokkeıshiler basymdyqty arttyra tústi. Nátıjesinde Danıel Vojenılek 57, Roman Chervenka 59-mınýtta eki shaıba soǵyp, oıynnyń núktesin qoıdy.

A tobynda Fınlıandııa quramasy Shvetsııaǵa 1:2 esebimen jol berdi. Alǵashqy eki goldy shvetsııalyq hokkeıshiler soǵyp ketti. Aldymen Leo Karlsson 4-mınýtta mergendik tanytsa, ıÝnas Brodın 27-mınýtta basymdyqty arttyra tústi.

Oǵan fınlıandııalyq Harrı Pesonen 53-mınýtta bir golmen jaýap qaıyrdy.

Aıta ketsek, 12 mamyrda V tobynda AQSh quramasy Shveıtsarııaǵa 0:3 esebimen jeńilse, Aýstrııa býllıtten Slovakııany 3:2 esebimen súrindirdi.

Endi búgin, 13 mamyrda A tobynda Slovenııa men Latvııa, Kanada men Frantsııa, V tobynda Norvegııa men Germanııa, Qazaqstan men Majarstan oınaıdy.