Hokkeıden álem chempıonaty: búgin jartylaı fınal oıyndary ótedi

ASTANA. KAZINFORM - Shaıbaly hokkeıden 2025 jylǵy álem chempıonaty elıtalyq dıvızıonyndaǵy jartylaı fınal oıyndary ótedi.

Jartylaı fınaldyń birinde 17:20-da Shvetsııa men AQSh quramalary kezdesedi.

Eki qurama qazirge deıin 73 márte kezdesken. Onyń 46-da shvetsııalyq hokkeıshiler basym bolsa, qalǵanynda AQSh quramasy jeńiske jetti.

Taǵy bir oıynda 21:20-da Shveıtsarııa men Danııa oınaıdy.

Bir-birimen 19 kezdesýdiń 17-i shveıtsarııalyq quramanyń basymdyǵymen aıaqtalsa, qalǵanynda danııalyq hokkeıshilerdiń mereıi ústem boldy.

Álem chempıonaty 1920 jyldan beri turaqty túrde ótkizilip keledi.

Qazirge deıin Kanada - 28 Reseı (KSRO) - 27, Chehııa (Chehoslovakııa)- 13, Shvetsııa - 11, Fınlıandııa - 4, AQSh - 2, Ulybrıtanııa men Slovakııa -1 márte chempıondyq tuǵyrǵa kóterildi.

Bıyl álem chempıonatynda Qazaqstan quramasy V tobynda oınady. Qarsylastary - Fınlıandııa, Chehııa, AQSh, Germanııa, Danııa, Norvegııa jáne Majarstan. Oıyndar Danııanyń Hernıng qalasynda ótti.

El quramasy bıylǵy álem birinshiligin sátsiz ótkizdi. Barlyǵy kezdesýdiń bireýinde basym tússe, altaýynda qarsylasyna ese jiberdi.

Aldymen Norvegııany (2:1) jeńip, Germanııa (1:4), Majarstan (2:4), Danııa (1:5), Chehııaǵa (1:8), AQSh-qa (1:6), Shveıtsarııaǵa (1:4) ese jiberdi. Saldarynan ulttyq qurama birinshi lıgaǵa túsip qaldy.