Hokkeıden ÁCh: Jartylaı fınalǵa shyqqan barlyq qurama anyqtaldy
NUR-SULTAN. QazAqparat - Shaıbaly hokkeıden Álem chempıonatynyń elıtalyq dıvızıony jartylaı fınalyna joldama alǵan tórt qurama anyqtaldy, dep habarlaıdy QazAqparat tilshisi.
Eske salsaq, budan buryn jartylaı fınalǵa AQSh pen Germanııa quramalary joldama alǵan bolatyn. Shırek fınalda AQSh Slovakııany 6:1 esebimen tas-talqan etip jeńse, Germanııa Shveıtsarııany býllıten 3:2 esebimen tize búktirdi.
Shırek fınaldaǵy taǵy bir kezdesýde Reseı men Kanada quramalary muz aıdynǵa shyqty. Atalǵan oıynda aldymen reseılikter qatarynan Evgenıı Tımkın 34-mınýtta esep ashsa, 45-mınýtta kanadalyq Adam Henrık tarazy basyn teńestirip ketti. Negizgi kezeń 1:1 esebimen teń aıaqtalyp, oıyn overtaımǵa ulasty. Overtaımda kanadalyq qurama sapynan Endrıý Mandjapane mergendik tanytyp, óz quramasyna jeńis syılady.
Al taǵy bir kezdesýde Fınlıandııa men Chehııa quramalary kúsh synasty. Atalǵan oıynda Ere Innala soqqan jalǵyz shaıba fınlıandııalyq hokkeıshilerge jeńis syılady. Qarsylasynan 1:0 basym túsken fınlıanlııalyq qurama jartylaı fınalǵa shyqty.
Endi jartylaı fınal oıyndary 5 maýsym kúni ótkiziledi. Bul kúni AQSh pen Germanııa, Kanada men Fınlıandııa quramalary kezdesedi.
Aıta keterligi, jartylaı fınalda synǵa túsetin quramalardyń barlyǵy Qazaqstan quramasy oıyn kórsetken V tobynda ózara sheberilk baıqasqan edi. Olardyń arasynda qazaqstandyq hokkeıshiler AQSh-qa 0:3, Kanadaǵa 2:4 esebimen jol berse, Fınlıandııany býllıtten 3:2, Germanııany negizgi kezeńde 2:1 esebimen jeńdi.
Eske salsaq, bıyl atalǵan synda Qazaqstan quramasy el namysyn qorǵady. Olar barlyǵy 10 upaı jınap, týrnır besinshi oryndy qanaǵat tutyty. Osylaısha pleı-off kezeńine shyǵýdan tys qaldy.
Aıta keteıik, álem chempıonaty Latvııa astanasy Rıga qalasynda 23 mamyrda bastaldy. Ol 6 maýsymda aıaqtalady.
