Hokkeıden ÁCh: Jartylaı fınalǵa shyqqan alǵashqy eki qurama anyqtaldy
NUR-SULTAN. QazAqparat - Shaıbaly hokkeıden Qazaqstan quramasy Álem chempıonatynyń elıtalyq dıvızıony jartylaı fınalyna joldama alǵan alǵashqy eki qurama anyqtaldy, dep habarlaıdy QazAqparat tilshisi.
Qazirge deıin eki shırek fınaldyń jeńimpazy belgili boldy. Alǵashqy oıynda AQSh quramasy Slovakııany 6:1 esebimen tas-talqan etip jeńdi.
Taǵy bir kezdesýde Germanııa Shveıtsarııany býllıten 3:2 esebimen tize búktirdi. Negizgi kezeń 2:2 esebimen teń aıaqtaldy. Býllıte nemis hokkeıshileriniń joly boldy.
Eske salsaq, AQSh pen Germanııa quramasy Qazaqstanmen birge V tobynda synǵa túsken edi. Qazaqstandyq hokkeıshiler negizgi kezeńde amerıkandyq qarsylastaryna 0:3 esebine jol berse, Germanııany 2:1 esebimen jeńgen bolatyn. Qazaqstan quramasy barlyǵy 10 upaı jınap, týrnır besinshi oryndy qanaǵat tutyp, pleı-off kezeńine shyǵýdan tys qaldy.
Sondaı-aq, búgin shırek fınalda Reseı men Kanada, Fınlıandııa men Chehııa sheberlik baıqasady.
Aıta keteıik, álem chempıonaty Latvııa astanasy Rıga qalasynda 23 mamyrda bastaldy. Ol 6 maýsymda aıaqtalady.
