Hokkeıden ÁCh: Qazaqstannyń jasóspirimder quramasy Norvegııany utty
ASTANA. QazAqparat - Rıgada ótip jatqan hokkeıden jasóspirimder arasyndaǵy álem chempıonatynyń birinshi matchynda «A» tobynda óner kórsetken Qazaqstan komandasy Norvegııa quramasyn jeńdi. Bul týraly Sports.kz habarlaıdy.
Oıynnyń alǵashqy kezeńinde qazaqstandyq Andreı Býıalskıı norvegııalyqtardyń qaqpasyna 2, al Oleg Boıko bir shaıba soqty. Kelesi 20 mınýttyq kezeńde ıÝsýp Asýhanov pen Sergeı Prıahın bir-bir retten qarsylastar qaqpasynyń osal tusyn dál tapty. Al norvegııalyqtar sapynan Lars Rodn birinshi jáne ekinshi kezeńde bir-bir retten Qazaqstan quramasynyń qaqpasyna shaıba salǵan bolatyn. Úshinshi kezeńde dál osy esep ózgergen joq. Osylaısha qazaqstandyq hokkeıshiler qarsylastarynan 5-2 esebimen basym tústi.
Endi 3 sáýir kúni Qazaqstan quramasy Germanııa komandasymen kezdesetin bolady.
Foto: icehockey.kz
