Hokkeıden ÁCh: Qazaqstandyq jankúıerler 800 sharshy metrlik týdy jaıdy
ASTANA. QazAqparat – Qazaqstandyq jankúıerler el quramasyna qoldaý kórsetý maqsatynda Rıgada ótip jatqan hokkeıden ÁCh-2023-te úlken týdy jaıdy, dep habarlaıdy QazAqparat.
Jeksenbi, 14 mamyrda Qazaqstan quramasy hokkeıden álem chempıonatynda Chehııa komandasymen oınaıdy. Matchty tikeleı efırden «Qazsport» arnasy Astana ýaqytymen 23:20-da kórsetedi.
Jankúıerler komandany qoldaýǵa kelip, ózderimen birge 800 sharshy metrlik Qazaqstan týyn ákelgen.
«Qazaqstan – álemdegi eń úlken elderdiń biri. Mádenıeti de baı. Biz mýltımádenıetti elmiz jáne ony búkil álemge kórsetkimiz keledi. Ózimizdegi Qazaqstannyń eń úlken týyn jaıyp, ulttyq qurama men onyń jankúıerlerin qoldamaqshymyz», - dedi uıymdastyrýshy Dýman Qojahmet.
Senbide Qazaqstan quramasy hokkeıden álem chempıonatynda birinshi match ótkizip, Norvegııany jeńdi.
