Hokkeıden ÁCh: Qazaqstan jasóspirimder quramasynyń oıyn kestesi belgili boldy

ASTANA. KAZINFORM - Shaıbaly hokkeıden Qazaqstan jasóspirimder quramasynyń álem chempıonatynyń elıtalyq dıvızıondaǵy oıyn kestesi belgili boldy. 

Álem chempıonaty 25 sáýir men 5 mamyr aralyǵynda Fınlıandııada ótkiziledi. Qazaqstandyq hokkeıshiler elıtalyq dıvızıonda 2003 jyldan keıin alǵash ret qatysyp otyr. Byltyr elimizdiń jasóspirim hokkeıshileri birinshi dıvızıonda jeńimpaz atanyp, úzdikter qatarynda baq synaýǵa múmkindik aldy. 
Álem chempıonatyna qatysatyn quramalar eki topqa bólingen. Qazaqstandyq hokkeıshiler V tobynda synǵa túsedi. Qarsylastary - Shveıtsarııa, Chehııa, Shvetsııa jáne Kanada. Oıyndar Vantaa qalasynda bolady. Árbir toptan alǵashqy tórt orynǵa ıe bolǵan quramalar pleı-off satysyna joldama alady. Al besinshi oryndy mise tutqan quramalar elıtalyq dıvızıondaǵy ornyn saqtap qalý úshin ózara kezdesedi.

Qazaqstan quramasynyń oıyn kestesi:

26 sáýir. 18:00. Shveıtsarııa - Qazaqstan
27 sáýir. 18:00. Qazaqstan - Shvetsııa
29 sáýir. 18:00. Chehııa - Qazaqstan
30 sáýir. 22:00. Qazaqstan - Kanada

Eske salsaq, budan buryn Qazaqstan 2028 jylǵy hokkeıden álem chempıonatyn ótkizýge ótinim berdi.