Hokkeıden ÁCh: Qazaqstan jasóspirimder quramasy tarıhı jeńisine qol jetkizdi

ASTANA. KAZINFORM – Qazaqstan jasóspirimder quramasy hokkeıden 18 jasqa deıingiler arasynda Fınlıandııada ótip jatqan álem chempıonatynda tarıhı jeńisine qol jetkizdi.

Georgıı Vereşagın baptaıtyn qazaqstandyqtar V tobynda Chehııa quramasyn 4:3 esebimen utyp, sensatsııa jasady.

Jeńis golyn overtaımda Mstıslav Shıpılın soqty.

Bul – Qazaqstannyń 18 jasqa deıingiler arasynda álem chempıonattaryndaǵy birinshi jeńisi. Osyǵan deıin 2003 jyly Reseıdiń ıAroslavl qalasynda ótken birinshilikke qatysqan qazaqstandyqtar onda barlyq matchynda qarsylastaryna ese jibergen edi.

Qazirgi kezde V tobynda Kanada 3 matchtan keıin 9 upaımen alda tur. Chehııada – 6, Shvetsııada – 4, Shveıtsarııada – 3, Qazaqstanda 2 upaı bar.

Qazaqstandyqtar sońǵy kezdesýin 30 sáýir kúni Kanadamen ótkizedi.

Bul matchta jeńilip qalǵan jaǵdaıda Qazaqstan quramasy A tobynda sońǵy oryn alǵan komandamen kezdesedi. Ony utsa, elıtada qalady.