Hokkeıden ÁCh: Qazaqstan U18 quramasy Shveıtsarııaǵa ese jiberdi
ASTANA. KAZINFORM — Shaıbaly hokkeıden Qazaqstan jasóspirimder quramasy IA dıvızıondaǵy tórtinshi oıynyn Shveıtsarııaǵa qarsy ótkizdi.
Otandastarymyz elıtalyq dıvızıonǵa jalǵyz joldamany Majarstan, Polsha, Ýkraına, Polsha, Slovenııa quramalarymen sarapqa salyp jatyr.
Kezdesý barysynda alǵashqy mınýttan shveıtsarııalyq quramanyń belsendiligi baıqaldy. Olar aldymen birinshi jáne ekinshi kezeńde Qazaqstan jasóspirimder quramasy qaqpasyna jaýapsyz úsh gol soǵyp úlgerdi.
Odan keıin otandastarymyz eki shaıba soǵyp, tarazy basyn teńestirýge kúsh saldy. Úshinshi kezeńde belsendi oınaǵan olar qarsylas qaqpasynan sańylaý taba alǵan joq. Nátıjesinde bul kezdesýde qazaqstandyq hokkeıshiler 2:3 esebimen jeńilistiń aşy dámin tatyp, aldaǵy jyly top-dıvızıonǵa shyǵý múmkindigin qıyndatyp aldy.
Qazirge deıin quramalar bir márte kezdesken edi. 2024 jyly otandastarymyz bul qarsylasyna 2:5 esebimen ese jiberdi.
Aıta ketsek, budan buryn qazaqstandyq hokkeıshiler Majarstan quramasynan 5:2, Polshadan 10:2, Ýkraınadan 5:3 esebimen basym tústi.
Sondaı-aq olar endi 24 sáýirde Slovenııamen sheberlik baıqasady.
Al Shveıtsarııa alǵashqy úsh týrda Polshany 6:1, Slovenııany 10:2, Majarstandy 5:1 esebimen tize búktirdi.
Qazaqstan jasóspirimder quramasy
Qaqpashylar: Kırıll Mylnıkov, Arsenıı Kýchkovskıı (ekeýi — «Barys»), Rahymbek Rahymjan («Jersey Hitmen U18», AAA);
Qorǵaýshylar: Spartak Chýkreev («Atlantic Coast Academy U18»), Artem Gasnıkov (MHK «Torpedo», Óskemen), Svıatoslav Evplov (HK «Spartak-MAH», MHL, Reseı), Kırıll Zadorojnyı, Denır Ýteev («Barys» U18, Astana), Matveı Reshetko, Rasýl Tursynov (ekeýi — «Snejnye Barsy», MHL), Kırıll Serebrıakov («Team Illinois U18», AAA)
Shabýylshylar: Vladıslav Anýfrıev (MHK «Torpedo», Óskemen), Anýar Ahmetjanov, Erlan Ahmýtınov, Nar-Ýlan Baıken («Atlantic Coast Academy U18»), Nıkıta Grıdasov («Boston Hockey Academy U18», AAA), Taır Bıgarınov («Barys», Astana), Ilıa Gromov, Egor Kım («Omaha Lancers», USHL), Raýan Qaıyrjan («Barys» U18, Astana), Mıhaıl Kolenko (HK «Ladıa», Tolıattı, MHL), Egor Kravchenko, Jahanger Tileýhan (HK «Snejnye Barsy», MHL, Astana)
Týrnır 18-24 sáýir kúnderi Polshanyń Krynıtsa qalasynda ótedi.
