Hokkeıden ÁCh: Qazaqstan U18 quramasy búgin Polshamen kezdesedi
ASTANA. KAZINFORM - Shaıbaly hokkeıden Qazaqstan jasóspirimder quramasy IA dıvızıondaǵy ekinshi oıynyn Polshaǵa qarsy ótkizedi.
Bul kezdesý Qazaqstan ýaqytymen 22:30-ǵa belgilengen.
Otandastarymyz elıtalyq dıvızıonǵa jalǵyz joldamany Majarstan, Polsha, Ýkraına, Polsha, Slovenııa quramadarymen sarapqa salady.
Qazirge deıin quramalar eki márte kezdesken edi. Ekeýinde de qazaqstandyq hokkeıshiler jeńiske jetti.
Aıta ketsek, budan buryn qazaqstandyq hokkeıshiler Majarstan quramasynan 5:2 esebimen basym tústi.
Sondaı-aq olar 21 sáýirde Ýkraına, 23 sáýirde Shveıtsarııa, 24 sáýirde Slovenııamen sheberlik baıqasady.
Qazaqstan jasóspirimder quramasy
Qaqpashylar: Kırıll Mylnıkov, Arsenıı Kýchkovskıı (ekeýi — «Barys»), Rahymbek Rahymjan («Jersey Hitmen U18», AAA);
Qorǵaýshylar: Spartak Chýkreev («Atlantic Coast Academy U18»), Artem Gasnıkov (MHK «Torpedo», Óskemen), Svıatoslav Evplov (HK «Spartak-MAH», MHL, Reseı), Kırıll Zadorojnyı, Denır Ýteev («Barys» U18, Astana), Matveı Reshetko, Rasýl Tursynov (ekeýi — «Snejnye Barsy», MHL), Kırıll Serebrıakov («Team Illinois U18», AAA)
Shabýylshylar: Vladıslav Anýfrıev (MHK «Torpedo», Óskemen), Anýar Ahmetjanov, Erlan Ahmýtınov, Nar-Ýlan Baıken («Atlantic Coast Academy U18»), Nıkıta Grıdasov («Boston Hockey Academy U18», AAA), Taır Bıgarınov («Barys», Astana), Ilıa Gromov, Egor Kım («Omaha Lancers», USHL), Raýan Qaıyrjan («Barys» U18, Astana), Mıhaıl Kolenko (HK «Ladıa», Tolıattı, MHL), Egor Kravchenko, Jahanger Tileýhan (HK «Snejnye Barsy», MHL, Astana)
Týrnır 18-24 sáýir kúnderi Polshanyń Krynıtsa qalasynda ótedi.
