Hokkeıden ÁCh: Qazaqstan quramasy Polshany oısyrata utty
ASTANA. QazAqparat - Hokkeıden 2018 jylǵy álem chempıonatynyń qorytyndy matchynda Qazaqstan quramasy Polsha komandasymen kezdesip, 6:1 esebimen jeńiske jetti, dep jazdy «SPORTINFORM» SAA.
Qazaqstan quramasynyń quramy: Karlsson - Dallmen-Semenov, Starchenko-Kýchın-Rymarev; Lakıza- Metalnıkov, Mıhaılıs-Grents-Evdokımov; Orehov-Polohov, Markelov-Sagadeev-Akolzın; Ybyraıbekov-, Petýhov- Gýrkov-Asetov, Volkov.
Roman Starchenko men Pavel Akolzın bir mınýttyń ishinde esepti 2:0-ge etip, birinshi kezeńdi osylaı aıaqtady. Starchenko ekinshi kezeńde eki ret shaıba salsa, ony Kshıshtof Zapala qysqartty. Sońǵy kezeńde polıaktardyń qaqbashylary aýysty, alaıda bul da kómektesken joq. Ivan Kýchın besinshi, al Starchenko altynshy shaıbany saldy.
Osylaısha, A tobynyń birinshi dıvızıonynda synǵa túsken Qazaqstan toǵyz upaıǵa ıe boldy. Ulybrıtanııanyń da jalpy upaıy osyndaı, Italııa, Slovenııa men Vengrııa alty, Polsha úsh ball jınaǵan.
Qazaqstan - Polsha 6:1 (2:0, 2:1, 2:0).
