Hokkeıden ÁCh: Qazaqstan quramasy Fınlıandııamen kezdesedi
NUR-SULTAN. QazAqparat - Shaıbaly hokkeıden 2021 jylǵy álem chempıonatynyń elıtalyq dıvızıonynda búgin, 23 mamyrda Qazaqstan quramasy Fınlıandııamen kezdesedi, dep habarlaıdy QazAqparat tilshisi.
Atalǵan oıyn elorda ýaqytymen 19.05-te bastalyp, «Qazsport» telearnasynan tikeleı efırde kórsetiledi.
Eske salsaq, qazaqstandyq hokkeıshiler V tobynda Kanada, Fınlıandııa, AQSh, Germanııa, Norvegııa, Italııa jáne Latvııa quramalarymen sheberlik baıqasady.
Eki qurama buǵan deıin atalǵan týrnırde tórt márte kezdesti. Onyń barlyǵynda fınlıandııalyqtar jeńiske jetti. Aıta keterligi, olar álem chempıonatynda 1995, 2011, 2019 jyldary jeńimpaz atandy.
Bıylǵy týrnırde eki qurama da alǵashqy oıyndarynan basym tústi. Qazaqstan hokkeıshileri Latvııany býllıten 3:2 esebimen jeńse, Fınlıandııa AQSh quramasyn 2:1 esebimen tize búktirdi.
Sonymen qattar, Qazaqstan quramasynyń hokkeıden álem chempıonatyndaǵy múmkindigine Fınlıandııa quramasynyń burynǵy bas menedjeri ıArı Kýrrı baǵa berdi.
