Hokkeıden ÁCh: Qazaqstan quramasy ekinshi ret iri eseppen jeńiske jetti
ASTANA. QazAqparat - Birinshi dıvızıon arasynda Býdapeshte ótip jatqan álem chempıonatynda Qazaqstan quramasy ekinshi kezdesýinde de iri eseppen jeńiske jetti, dep habarlaıdy QazAqparat tilshisi.
Bul joly Ǵalym Mámbetálıevtiń shákirtteri Ulybrıtanııa quramasymen kúsh synasty.
Birinshi kezeńde 3-mınýtta-aq brıtandyq Lıýk Ferrara esep ashyp, komandasyn alǵa shyǵardy. Degenmen 15-mınýtta san basymdylyǵyn paıdalanǵan Dmıtrıı Grents esepti teńestirdi.
Ekinshi kezeńde Qazaqstan quramasynan áýeli Anton Sagadeev 33-mınýtta mergendik tanytsa, 35-mınýtta Roman Starchenko esepti 3:1-ge jetkizdi.
Sońǵy, úshinshi kezeńde 42-mınýtta R.Starchenko taǵy bir goldyń avtory atansa, 46-mınýtta Nıkıta Mıhaılıs kózge tústi. 47-mınýtta Álıhan Ásetov matchtyń núktesin qoıdy.
Osylaısha qazaqstandyqtar qarsylasyn 6:1 esebimen oısyrata utty.
Eske sala keteıik, 22 sáýir kúni Qazaqstan quramasynyń majarlardy 3:0 esebimen bet qaratpaı utqanyn jazǵan bolatynbyz. Qatarynan eki márte jeńiske jetken qazaqstandyqtar qos týrdan keıin 6 upaımen kósh bastap keledi. Italııa, Polsha, Vengrııa jáne Ulybrıtanııa komandalarynyń úsh-úshten upaılary bar.
Ǵ.Mámbetálıevtiń shákirtteri endi 25 sáýir kúni Italııa, 27 sáýirde Slovenııamen, 28-inde Polsha quramasymen kúsh synasady.
Bul jarysta birinshi jáne ekinshi oryndy ıelengen komandalar elıtalyq dıvızıonǵa joldama alady.
