Hokkeıden ÁCh: Qazaqstan qyzdar quramasy Ońtústik Koreıaǵa ese jiberdi

ASTANA. KAZINFORM — Shaıbaly hokkeıden Qazaqstan 18 jasqa deıingi qyzdar quramasy IIA dıvızıonynda ótip jatqan álem chempıonatyndaǵy besinshi oıynyn Ońtústik Koreıaǵa qarsy ótkizdi.

Ońtústik Koreıa quramasy byltyr ІV tobynda synǵa túsken edi. Sondyqtan olar úshin qaıtadan atalǵan topqa oralý mindeti bolǵan edi. Alǵashqy eki týrda qazaqstandyq hokkeıshiler birde-bir upaı joǵaltqan joq. Qarsylastar Latvııamen kezdesýinde overtaımda jeńiske jetip, bizden bir upaıǵa kem jınady. 

Qazirge deıin qazaqstandyq hokkeıshiler Jańa Zelandııa (13:2), Latvııa (9:1), Túrkııa (5:1), Nıderland (7:0) quramalaryn qapy qaldyrǵan edi.

Al Ońtústik Koreıa quramasy Túrkııa (2:0), Jańa Zelandııa (10:0), Nıderland (5:0), Latvııa (3:2) quramalarynan basym tústi.

Kezdesý barysynda qarsylastar tartysty oıyn ótkizdi. Birinshi kezeńde olar bir-biriniń qaqpasynan sańylaý taba alǵan joq. Ekinshi kezeńde qazaqstandyq Sofııa Zýbkova esep ashty. Esesine otandastarymyz úshinshi kezeńde óz qaqpasynan bes shaıba alyp shyǵýǵa májbúr boldy.
Osylaısha qazaqstandyq hokkeıshiler qarsylasyna 1:5 esebimen ese jiberdi. Óz tobynda ekinshi oryndy mise tutyp, ІV tobyna joldama alý múmkindiginen aıyryldy.