Hokkeıden ÁCh: Qazaqstan áıelder quramasy úshinshi orynǵa turaqtady
ASTANA. KAZINFORM — Búgin shaıbaly hokkeıden Qazaqstan áıelder quramasy álem chempıonaty IB dıvızıonyndaǵy besinshi oıynyn Ulybrıtanııaǵa qarsy ótkizdi.
Kezdesý barysynda qazaqstandyq hokkeıshiler sátsiz oıyn kórsetti. Birinshi jáne ekinshi kezeńde bir-bir shaıbadan soqty. Úshinshi kezeńde qarsylastar bir-birden gol soqty.
Ulybrıtanııa — Qazaqstan 3:1 (1:0, 2:1, 0:0)
1:0 — Alderson-Smıt — 01:52
2:0 — Mýllen (Djekson) — 21:33
3:0 — Alderson-Smıt (Nıýlends) — 21:59
3:1 — Orazbaeva (Shegaı, Týrsynova) — 36:40
Qaqpashylar: Djekson — Şekolova.
Osylaısha Qazaqstan quramasy qarsylasyna 1:3 esebimen ese jiberip, óz tobynda 7 upaımen úshinshi orynǵa turaqtady.
Eki qurama qazirge deıin bes márte kezdesti. Onyń 3-ýi qazaqstandyq hokkeıshilerdiń basymdyǵymen aıaqtalsa, qalǵanynda qarsylasynyń mereıi ústem boldy.
Qazaqstan áıelder quramasy
Qaqpashylar: Veronıka Ageeva («Torpedo»), Arına Şekolova, Polına Govtva (ekeýi — «Tomırıs»)
Qorǵaýshylar: ıÝlııa Býtorına, Aleksandra Voronova, Darııa Moldabaı (barlyǵy — «Tomırıs»), Katrın Meskını, Polına ıAkovleva («Torpedo»), Aıda Oljabaeva, Mádına Tursynova, Anna Pıatkova («Aısulý»);
Shabýylshylar: Málıka Aldabergenova, Pernesh Áshimova, Elızaveta Dıýndına, Larısa Svırıdova (barlyǵy — «Aısulý»), Sofııa Zýbkova, Dılnaz Saıahatqyzy, Mýnıra Saıahatqyzy («Torpedo»), Ekaterına Kýtsenko, Anastasııa Orazbaeva, Nadejda Fılımonova, Aleksandra Shegaı barlyǵy — «Tomırıs»), Sofııa Mýraveva («Aısulý Tańdaýly»).
Alǵashqy tórt týrda qazaqstandyq hokkeıshiler Latvııaǵa býllıten 2:3, Nıderlandqa 0:3 esebimen jeńilse, Ispanııany 3:2, Ońtústik Koreıany 4:3 esebimen qapy qaldyrdy.
