Hokkeıden ÁCh: Qazaqstan áıelder quramasy ekinshi jeńisine jetti
ASTANA. KAZINFORM - Búgin shaıbaly hokkeıden Qazaqstan áıelder quramasy álem chempıonaty IB dıvızıonyndaǵy tórtinshi oıynyn Ońtústik Koreıaǵa qarsy ótkizdi.
Kezdesý barysynda qarsylastar jeńiske jetýge bar kúshin saldy. Birinshi kezeńde qazaqstandyq hokkeıshiler bir márte mergendigimen kózge tússe, ekinshi kezeńde taǵy eki shaıba soǵyp, qaqpaǵa bir shaıba jiberip aldy. Sheshýshi kezeńde otandastarymyz taǵy gol soǵyp, eki márte shaıbany qaqpadan alyp shyǵýǵa májbúr boldy.
Qazaqstan - Ońtústik Koreıa 4:3 (1:0, 2:1, 1:2)
1:0 - Mýraveva (Zýbkova) - 01:34
1:1 - Kım (Pak, Lı) - 20:23
2:1 - Shegaı - 29:04
3:1 - Shegaı (Fılımonova, Tursynova) - 39:21 GB
3:2 - Pak (Han, Song) - 43:17
3:3 - Pak (Kım, Lı) - 53:49
4:3 - Ashımova (Dıýndına, Pıatkova) - 59:51
Qaqpashylar: Şekolova - An.
Osylaısha qazaqstandyq hokkeıshiler qarsylasynan 4:3 esebimen jeńip, týrnır kestesindegi jaǵdaıyn jaqsartyp aldy. Qazir 7 upaımen úshinshi orynǵa kóterildi.
Otandastarymyz 12-18 sáýir aralyǵynda Ispanııada ótip jatqan týrnırde Latvııa, Nıderland, Ispanııa, Ońtústik Koreıa jáne Ulybrıtanııamen sheberlik baıqasyp jatyr.
Eki qurama qazirge deıin toǵyz márte kezdesti. Onyń 6-ýy qazaqstandyq hokkeıshilerdiń basymdyǵymen aıaqtalsa, qalǵanynda qarsylastarynyń mereıi ústem boldy.
Alǵashqy úsh týrda qazaqstandyq hokkeıshiler Latvııaǵa býllıten 2:3, Nıderlandqa 0:3 esebimen jeńilse, Ispanııany 3:2 esebimen qapy qaldyrdy.
Endi olar erteń, 18 sáýýirde Ulybrıtanııa quramalarymen sheberlik baıqasady.
