Hokkeıden ÁCh: Qazaqstan áıelder quramasy búgin Ulybrıtanııamen kezdesedi
ASTANA. KAZINFORM - Búgin shaıbaly hokkeıden Qazaqstan áıelder quramasy álem chempıonaty IB dıvızıonyndaǵy besinshi oıynyn Ulybrıtanııaǵa qarsy ótkizedi.
Bul kezdesý Qazaqstan ýaqytymen 19:30-ǵa belgilengen.
Otandastarymyz 12-18 sáýir aralyǵynda Ispanııada ótip jatqan týrnırde Latvııa, Nıderland, Ispanııa, Ońtústik Koreıa jáne Ulybrıtanııamen sheberlik baıqasady.
Eki qurama qazirge deıin bes márte kezdesti. Onyń 3-ýi qazaqstandyq hokkeıshilerdiń basymdyǵymen aıaqtalsa, qalǵanynda qarsylasynyń mereıi ústem boldy.
Alǵashqy úsh týrda qazaqstandyq hokkeıshiler Latvııaǵa býllıten 2:3, Nıderlandqa 0:3 esebimen jeńilse, Ispanııany 3:2, Ońtústik Koreıany 4:3 esebimen qapy qaldyrdy.
Al Ulybrıtanııa qazirge deıin Nıderlandty 1:0, Ispanııa men Ońtústik Koreıany 3:2 esebimen jeńse, Latvııaǵa 3:4 esebimen ese jiberdi.
Qazaqstan áıelder quramasy
Qaqpashylar: Veronıka Ageeva («Torpedo»), Arına Şekolova, Polına Govtva (ekeýi — «Tomırıs»)
Qorǵaýshylar: ıÝlııa Býtorına, Aleksandra Voronova, Darııa Moldabaı (barlyǵy — «Tomırıs»), Katrın Meskını Polına ıAkovleva («Torpedo»), Aıda Oljabaeva, Mádına Tursynova, Anna Pıatkova («Aısulý»);
Shabýylshylar: Málıka Aldabergenova, Pernesh Áshimova, Elızaveta Dıýndına, Larısa Svırıdova (barlyǵy — «Aısulý»), Sofııa Zýbkova, Dılnaz Saıahatqyzy, Mýnıra Saıahatqyzy («Torpedo»), Ekaterına Kýtsenko, Anastasııa Orazbaeva, Nadejda Fılımonova, Aleksandra Shegaı barlyǵy — «Tomırıs»), Sofııa Mýraveva («Aısulý Tańdaýly»).
Týrnır kestesinde Qazaqstan quramasy 7 upaımen úshinshi orynda tursa, 8 upaı jınaǵan Ulybrıtanııa ekinshi orynǵa taban tiredi.
