Hokkeıden ÁCh: Fınalǵa Kanada men Fınlıandııa shyqty
NUR-SULTAN. QazAqparat - Shaıbaly hokkeıden álem chempıonatynyń elıtalyq dıvızıony fınalyna joldama alǵan eki qurama anyqtaldy, dep habarlaıdy QazAqparat tilshisi.
Jartylaı fınaldaǵy alǵashqy kezdesýde AQSh pen Kanada quramalary muz aıdynǵa shyqty.
Atalǵan oıynda kanadalyq hokkeıshiler sapynan Brendon Pırrı 2, Endrıý Mandjapane 24, 40, Djastın Denfort 59-mınýtarda mergendik tanytty.
Oǵan amerıkandyqtar qatarynan Kolın Blekvell 17, Aleksandr Hmelevskı 43-mınýttarda qos shaıbamen jaýap berdi. Osylaısha Kanada qarsylasyn 4:2 esebimen qapy qaldyrdy.
Taǵy bir kezdesýde Fınlıandııa hokkeıshileri Germanııany 2:1 esebimen tize búktirdi.
Oıyn barysynda fınlıandııalyq quramadan Iıro Pakarınen 13, Hannes Bernınen 18-mınýtta gol soqsa, nemisterden Mattıas Plahta qarsylastar qaqpashysyn qapy qaldyryp ketti.
Aıta keteıik, 2019 jylǵy álem chempıonaty fınalynda da Kanada men Fınlıandııa quramalary kezdesken bolatyn. Bul oıynda fınlıandııalyq hokkeıshiler 3:1 esebimen jeńgen edi.
Eske salsaq, bıyl atalǵan synda Qazaqstan quramasy el namysyn qorǵady. Olar barlyǵy 10 upaı jınap, týrnırde besinshi oryndy qanaǵat tutty. Osylaısha pleı-off kezeńine shyǵýdan tys qaldy.
Aıta keteıik, álem chempıonaty Latvııa astanasy Rıga qalasynda 23 mamyrda bastaldy. Ol 6 maýsymda aıaqtalady.
