Hokkeıden ÁCh: Andreı Nazarov Qazaqstan quramasyna jankúıer bolý úshin Máskeýden arnaıy kelmek
NUR-SULTAN. QazAqparat - «Barys» pen Qazaqstan quramasynyń burynǵy bas bapkeri Andreı Nazarov Nur-Sultanǵa bizdiń komandanyń jankúıeri retinde Álem chempıonatyna ushyp kelýdi josparlap otyr, dep habarlaıdy qala ákimdiginiń resmı saıty.
«Máskeýden Nur-Sultanǵa kelýdegi maqsatym - osy týrnırde ózimniń burynǵy komandam men Belarýs quramasyna jankúıer bolý. Bul quramalardyń negizgi klýbtary QHL-da óner kórsetetinin eskere otyryp, elıtanyń eki joldamasyna qazaqstandyqtar men belarýstar oınaýǵa laıyq ekendigin aıtqym keledi. Olarǵa jankúıer bolamyz», - dedi Andreı Nazarov.
Eske salaıyq, 29 sáýir men 5 mamyr aralyǵynda «Barys Arena» muz aıdynynda «A» tobyndaǵy dıvızıon komandalary arasynda hokkeıden Álem chempıonaty ótedi.
