Hokkeıden ÁCh-2024: Qazaqstan quramasynyń qarsylastary belgili boldy

ASTANA. QazAqparat - Shaıbaly hokkeıden 2024 jylǵy álem chempıonaty elıtalyq dıvızıonyndaǵy Qazaqstan quramasynyń qarsylastary belgili boldy, dep habarlaıdy QazAqparat tilshisi.

Dúbirli doda 2024 jyldyń 10-26 mamyr aralyǵynda Chehııanyń Praga jáne Ostrava qalalarynda ótkiziledi.

Qazaqstandyq hokkeıshiler A tobynda synǵa túsedi. Qarsylastary - Kanada, Germanııa, Shvetsııa, Slovakııa, Latvııa, Frantsııa jáne Polsha. Oıyndar Ostrava qalasynda bolady.

Al Praga qalasynda V tobynda Fınlıandııa, AQSh, Shveıtsarııa, Chehııa, Danııa, Norvegııa, Avstrııa jáne Ulybrıtanııa quramalary synǵa túsedi.

Aıta ketsek, qazaqstandyq hokkeıshiler 2023 jylǵy álem chempıonatynda elıtalyq dıvızıondaǵy ornyn saqtap qaldy.