Hokkeıden ÁCh -2020: Qazaqstan alǵashqy oıynynda Shveıtsarııamen kezdesetin boldy
NUR- SULTAN. QazAqparat - Halyqaralyq hokkeı federatsııasy (IIHF) elıtalyq dıvızıondaǵy komandalar arasynda 2020 jylǵy álem chempıonaty bastalǵandyǵyn málimdedi, dep habarlaıdy Olympic.kz.
Uıymdastyrýshylardyń aıtýynsha, karantın jáne túrli shekteýler sporttyq sharalardan tys qalýǵa sebep bola almaıdy. Sondyqtan Álem chempıonatyn ótkizýge sheshim qabyldanǵan. Qazaqstan komandasy qatysatyn bul jarys daýys berý arqyly vırtýaldy formatta ótkiziledi.
Álem chempıonatynyń josparlanǵan ár matchyna eki saǵatqa sozylatyn ýaqyttyń ishinde daýys berýge bolady.
Jankúıerlerdiń daýys sany jáne Federatsııanyń óz formýlasy boıynsha qorytyndysy jarııalanady. Óz daýsyńyzdy áleýmettik jelidegi IIHF resmı akkaýntynda qaldyrýǵa bolady.
Bul dúbirli dodada Qazaqstan alǵashqy oıynyn Shveıtsarııamen ótkizedi.
Match 10 mamyrda bolady.
Aıta keter bolsaq, budan buryn myna komandalar kezdesken edi. Olar: Reseı - Shveıtsarııa - 4:3 (býllıtter), Shvetsııa - Chehııa - 5:4 (býllıtter), Kanada - Germanııa- 4:1, Fınlıandııa - AQSh - 6:3.