Hokkeıden ÁCh-2016: «Kazsport» Qazaqstan ulttyq quramasynyń matchtaryn kórsetedi
ASTANA. QazAqparat - «Qazaqstan» RTRK» AQ hokkeıden Álem chempıonatynda Qazaqstan Ulttyq quramasynyń matchtaryn kórsetýdi josparlap otyr.
«Qazaqstan» RTRK» AQ 2016 jyly bizdiń quramanyń qatysýymen ótetin matchtar kórsetiliminiń TV quqyqtaryn ıelený boıynsha júrgizilgen kelissózder birqatar qıyndyqtarǵa tap boldy. Qazirgi ýaqytta Qazaqstannyń hokkeı federatsııasy tarapynan kórsetiletin qarjylyq qoldaý esebinen kelissózder aıaqtalýǵa jaqyn. «Kazsport» telearnasy Qazaqstannyń Ulttyq quramasynyń barlyq oıyndaryn kórsetedi dep josparlanýda», - delingen habarlamada.
Qazaqstan quramasynyń toptyq kezeńdegi matchtar kestesi (matchtardyń bastalý ýaqyty Astana qalasy boıynsha):
7 mamyr (senbi), 15:15 - Shveıtsarııa - Qazaqstan
8 mamyr (jeksenbi), 15:15 - Qazaqstan - Reseı
10 mamyr (seısenbi), 23:15 - Qazaqstan - Norvegııa
11 mamyr (sársenbi), 23:15 - Shvetsııa - Qazaqstan
13 mamyr (juma), 19:15 - Chehııa - Qazaqstan
14 mamyr (senbi), 23:15 - Qazaqstan - Latvııa
16 mamyr (dúısenbi), 23:15 - Danııa - Qazaqstan
