Hokkeıden 2022 jylǵy álem chempıonatyna bılet kúzde satylymǵa shyǵady
NUR-SULTAN. QazAqparat – Shaıbaly hokkeıden 2022 jyly Fınlıandııada ótetin álem chempıonatynyń bıleti kúzde satylymǵa túsedi. Bul týraly Halyqaralyq hokkeı federatsııasynyń (IIHF) baspasóz qyzmeti habarlaıdy.
Bıletter satylymǵa túsetin naqty merzim týrnırdiń jarys kestesi bekitilgen soń belgili bolmaq.
Uıymdastyrýshylar málimetinshe, birneshe oıynǵa jaraıtyn bıletterdi satyp alý múmkindigi ulǵaıady.
Budan buryn Fınlıandııa quramasynyń oıyndaryna arnalǵan VIP sanatty bıletter satylymy bastalǵan edi. Hokkeıden 2022 jylǵy álem chempıonaty 13-29 mamyr kúnderi Fınlıandııanyń Helsınkı jáne Tampere qalalarynda ótedi.
