Hokkeıden 2014 jylǵy álem chempıonatynda Qazaqstanǵa qarsylas atanatyn ujymdar anyqtaldy
ASTANA. 21 mamyr. QazAqparat - Shaıbaly hokkeıden 2014 jylǵy Álem chempıonatynda Qazaqstan quramasyna qarsylas atanatyn komandalar anyqtaldy.
Keler jyly ótetin álemdik synǵa Qazaqstan quramasy da qatysatyny belgili. Bizdiń qurama dúısenbi kúni toptyq kezeńdegi qarsylastaryn bildi, dep habarlaıdy «Alaman».
A toby
Shvetsııa, Chehııa, Kanada, Slovakııa, Norvegııa, Danııa, Frantsııa, Italııa.
V toby
QAZAQSTAN, Reseı, Fınlıandııa, AQSh, Shveıtsarııa, Germanııa, Latvııa, Belorýssııa.
Esterińizge sala keteıik, Shvetsııanyń Stokgolm qalasynda jeksenbi kúni ótken sońǵy Álem chempıonatynyń fınalynda alań ıeleri Shveıtsarııa quramasyn 5:1 esebimen utyp, 1986 jyldan beri alǵash ret álem chempıony atandy. Al olardyń aqtyq syndaǵy qarsylastary buǵan deıin 60 jyldan bergi chempıonat tarıhynda kúmis medal ıelenip kórmegen. Shveıtsarııa quramasy tamasha oıyn órnegin kórsetip, fınalǵa deıin toǵyz qarsylasyn da utqan edi. Qola júldeni Fınlıandııany 3-2 esebimen utqan AQSh quramasy ıelendi.
