Hokkeı: Joldastyq kezdesýde Qazaqstan quramasy Belarýsten jeńilip qaldy
NUR-SULTAN. QazAqparat - Elordamyz - Nur-Sultanda shaıbaly hokkeıden Qazaqstan men Belarýs quramalary arasyndaǵy joldastyq kezdesý aıaqtaldy, dep habarlaıdy Qazaqparat tilshisi.
Bul oıynda negizgi kezeń men overtaımda jeńimpaz anyqtalǵan joq. Negizgi kezeń men overtaımda quramalar 4:4 esebimen teń tústi.
Bizdiń qurama sapynan Nıkıta Mıhaılıs, Anton Sagadeev, Dastan Boıd, Dmıtrıı Shevchenko shaıba soqty.
Oǵan belarýs hokkeıshileri tórt shaıbamen jaýap qaıyrdy. Býllıtten Belarýs quramasynyń joly boldy.
Bizdiń qurama erteń elordada Ońtústik Koreıamen joldastyq kezdesý ótkizedi.
Esterińizge sala keteıik, astanada 29 sáýirde shaıbaly hokkeıden álem chempıonatynyń birinshi dıvızıony A tobynyń oıyndary ótedi.
Bul topta Qazaqstan quramasy Belarýs, Ońtústik Koreıa, Lıtva jáne Majarstanmen top-dıvızıonǵa beriletin joldamalardy sarapqa salady.
