Hokkeı: «Torpedo» xokkeı klýbyna fınalǵa shyǵý úshin bir ǵana upaı qajet
ASTANA. QazAqparat - Óskemen qalasynyń «Torpedo» xokkeı klýby óz alańynda «Rýbın» komandasyna jol berdi. Osylaısha, jalpy esep bir upaıǵa qysqardy, dep xabarlaıdy QazAqparat tilshisi.
Búgingi oıynda «Torpedo» eki ret shaıbany birinshi bolyp soqty. Degenmen, qarsylastar ekeýin de qaıtaryp, tarazy basyn teńestire bildi. Al úshinshi kezeńge deıin taǵy eki shaıba soǵyp ketti. Sóıtip, 2:4 esebimen alǵa shyqty. Úshinshi kezeńde esep ózgergen joq.
Aıta keteıik, osy oıynnan keıin jalpy esep bir upaıǵa qysqardy. «Torpedo» úsh ret jeńise jetse, «Rýbınniń» enshisinde eki upaı bar. Jalpy esep - 3:2. Fınalǵa shyǵý úshin óskemendik komandaǵa bir ǵana upaı, ıaǵnı bir ret jeńiske jetý kerek. Jatylaı fınaldyń ekinshi tobynda jeńimpaz anyqtaldy. Ol - Balashıxanyń «Dınamosy». Joǵary xokkeı lıgasynyń fınalyna shyqqan klýb osy komandamen kezdesedi.
