Hokkeı: Torpedo klýby Ijstaldi jeńe ala ma
ASTANA. QazAqparat - Joǵary xokkeı lıgasynda óner kórsetip júrgen Óskemen qalasynyń «Torpedo» xokkeı klýby syrt alańda «Ijstal» (Ijevsk) komandasymen kezdesti, dep habarlaıdy QazAqparat tilshisi.
Birinshi kezeńde qarsylastar «Torpedonyń» qaqpasyna eki birdeı shaıba soǵyp ketti. Al ekinshi kezeńde óz basymdyǵyn ulǵaıtyp, esepti 0:3-ke deıin jetkize bildi. Degenmen, osy kezeńniń sońynda Konstantın Romanov «Ijstal» qaqpashysyn qapy qaldyrsa, úshinshi kezeńde Talǵat Jaılaýov pen Evgenıı Fadeevtiń kómegimen Aleksandr Shın esep aıyrmasyn bir shaıbaǵa deıin qysqartty. Biraq «Torpedo» odan ary asa almady. Qorytyndy esep - 2:3.
Soǵan qaramastan, óskemendik klýb jalpy esep boıynsha bir jeńispen (2:1) alda keledi. Pleı-offta kelesi aınalymǵa shyǵý úshin qarsylasty tórt ret jeńý kerek. Demek, atalǵan eki komanda ary ketse, tórt ret kezdesýi múmkin.
Ótken jyly bastalǵan Joǵary xokkeı lıgasynyń negizgi oıyndarynda «Torpedo» barlyq 29 komandanyń ishinde eń úzdik kórsetkishpen (109 upaı) jalpytýrnırlik kestede birinshi orynnan pleı-offqa ótken bolatyn. Al onyń qarsylasy - «Ijstal» xokkeı klýby 75 upaımen kelesi aınalymǵa sońǵy bolyp ilikken.
Aıta keteıik, búgin Qurylyqtyq xokkeı lıgasynda da pleı-offtyń kezekti oıyndary ótken bolatyn. Astanalyq «Barys» xokkeı klýby óz alańynda «Traktordy» qabyldady .
