Hokkeı: «Torpedo» fınalda kimmen kezdesýi múmkin
ASTANA. QazAqparat - Qazirgi kezde Óskemen qalasynyń «Torpedo» hokkeı klýby óz qarsylasynan 3:1 esebimen basym bolyp tur. Endi bir ret jeńiske jetse, fınalǵa shyǵady, dep habarlaıdy QazAqparat tilshisi.
Keshegi oıynda torpedolyqtar «Rýbındi» (RF, Tómen oblysy) 2:0 esebimen jeńgen bolatyn. Sóıtip, jalpy upaı sanyn 3-ke deıin jetkizip, fınalǵa bir taban jaqyndady. Al «Rýbınde» 1-aq upaı bar. Ony atalǵan komanda jartylaı fınaldyń alǵashqy matchynda utyp alǵan. Sol kezde qarsylastar «Torpedony» 0:1 esebimen jeńgen. Sonyń ózinde jeńis shaıbasy overtaımda soǵyldy. Osydan keıin Túmenniń hokkeı klýby úsh ret qatarynan utyldy. Soǵan qaraǵanda ol úshin 3:1 esebimen fınalǵa shyǵý qıynǵa soǵady, tipti múmkin emes.
Al jartylaı fınaldyń ekinshi tobynda Máskeý túbindegi Balashıhanyń «Dınamo» hokkeı klýby «Zaýraleni» aıqyn basymdyqpen jeńip jatyr. Jalpy esep - 3:0. Búgin atalǵan eki komandanyń arasynda kezekti match ótedi. Bul oıynnan keıin «Dınamo» fınalǵa shyǵýy ábden múmkin. Al eki kúnnen keıin «Torpedo» men «Rýbın» arasyndaǵy match ótetin bolady. Atalǵan kezdesý de jartylaı fınaldyń sońǵy oıyny bolýy yqtımal.
