Hokkeı: Savchenko «Baryspen» qosh aıtysty
ASTANA. 24 qańtar. QazAqparat - Astanalyq «Barys» hokkeı klýbynyń sapynda óner kórsetken shabýylshy Fılıpp Savchenkonyń kelisimsharty toqtatyldy.
Klýbtyń baspasóz qyzmeti habarlaǵandaı, qujattyń kúshi ekijaqty kelisimniń negizinde joıyldy. Qurlyqtyq hokkeı lıgasynyń 2012-2013 jylǵy kezeńi bastalǵaly beri F.Savchenko 12 matchta óner kórsetip, 3-aq nátıjeli pas berdi. Sondaı-aq ol «Barys - 2» men «Snejnye barsy» komandalarynyń quramynda oınap, 6 shaıba salyp úlgerdi.
Aıta keteıik, F.Savchenko - Reseıdiń azamaty. Al ózimizdiń Roman Savchenko óz ornynda qalyp, «Barystyń» namysyn qorǵap júr.
