Hokkeı: «Saryarqanyń» pleı-off kezeńindegi qarsylasy anyqtaldy
NUR-SULTAN. QazAqparat - Qaraǵandynyń «Saryarqa» komandasy joǵary hokkeı lıgasy pleı-off satysynyń birinshi kezeńinde Reseıdiń SKA-«Neva» (Sankt-Peterbýrg) klýbymen kezdesedi, dep habarlaıdy QazAqparat tilshisi.
Joǵary hokkeı lıgasy turaqty birinshiliginde «Saryarqa» 71 upaımen ekinshi konferentsııada besinshi oryn aldy . Al birinshi konferentsııada tórtinshi orynǵa turaqtaǵan reseılik klýbtyń enshisinde 86 upaı bar.
Oıyndar serııasy tórt jeńiske deıin sozylady. Kezdesýler 22, 23, 26 jáne 29 aqpan kúnderine belgilengen. Qajet bolǵan jaǵdaıda 1, 4 jáne 7 naýryz kúnderi oıyndar ótkiziledi.
Esterińizge sala ketelik, «Saryarqa» pleı-off kezeńiniń bas júldesi - Petrov kýbogyna byltyr qol jetkizdi. Qaraǵandylyq hokkeıshiler 2019 jyly fınalda Tıýmen qalasynyń «Rýbın» komandasynan basym túsken bolatyn.
Sondaı-aq, 2014 jyly da sondaı jetistikti baǵyndyrdy. 2013 jyly fınalǵa deıin jetti.
