Hokkeı: «Saryarqanyń» búgingi qarsylasy - «Zaýrale»
ASTANA. 25 qarasha. QazAqparat - Búgin Qaraǵandy qalasynyń «Saryarqa» hokkeı klýby óz alańynda «Zaýrale» (Reseı, Qorǵan qalasy) komandasyn qabyldaıdy.
Qorǵan qalasynyń hokkeı klýby búginde bıylǵy chempıonattyń aýtsaıderi bolyp sanalady. Sebebi komanda sońǵy 22 matchta tek 15-aq upaı ǵana jınap, Joǵary hokkeı lıgasynyń jalpytýrnırlik kestesinde eń sońǵy satyda - 26-shy orynda tur. Chempıonattyń basynda «Saryarqanyń» da taǵdyry osyndaı bolǵan. Qazirgi kezde Qaraǵandy qalasynyń hokkeı klýby jaqsy oıyn órnegimen kózge túsip júr. Sonyń arqasynda 23 matchta 40 upaı jınap, jalpytýrnırlik kestede úzdik 10 komandanyń qataryna enip otyr.
