Hokkeı: «Saryarqanyń» búgingi qarsylasy - «Kýban»
ASTANA. 7 qazan. QazAqparat - Búgin Qaraǵandy qalasynyń «Saryarqa» hokkeı klýby syrt alańda «Kýban» (Krasnodar) komandasymen kezdesedi.
Bul eki komanda lıganyń ótken jylǵy chempıonatynda alǵash ret oınaı bastady. Sol kezde «Saryarqanyń» mereıi ústem bolǵan. Qaraǵandylyq klýb «Kýban» quramasyn eki márte jeńip, fınalǵa da jetken edi. Al Krasnodar qalasynyń komandasy 17-shi orynnan asa almaı, jarys jolynan shyǵyp qalǵan. Bıylǵy chempıonatta komandalardyń qaýqary múldem basqasha bolyp tur. «Saryarqa» bes ret qatarynan jeńilip, osy ýaqytqa deıin tek 9 upaıdy ǵana oljalasa, «Kýban» komandasynda eki ese artyq - 20 upaı bar. Sonyń arqasynda ol jalpy týrnırlik kestede 3-orynda keledi. Al qaraǵandylyq klýb 22-orynda.
