Hokkeı: «Saryarqa» pleı-off kezeńine joldama aldy
QARAǴANDY. QazAqparat - Qaraǵandynyń «Saryarqa» komandasy joǵary hokkeı lıgasynyń pleı-off kezeńine joldama aldy, dep habarlaıdy QazAqparat tilshisi.
«Saryarqa» búgin Krasnoıarskide jergilikti «Sokol» komandasynan 1:2 esebimen jeńilip qaldy. Degenmen shyǵys konferentsııasynda ózge komandalar arasyndaǵy oıyn nátıjelerine sáıkes pleı-off kezeńine shyqty. Qazir qaraǵandylyq hokkeıshilerdiń enshisinde 52 oıynnan keıin 67 upaı bar. Shyǵys konferentsııasynda altynshy orynda keledi.
«Saryarqa» - joǵary hokkeı lıgasyndaǵy Petrov kýbogynyń sońǵy jeńimpazy. Byltyr olar pleı-off kezeńine barlyq qatysýshylar arasynda eń sońynda shyqqan bolatyn.
Foto: olympic.kz
