Hokkeı: «Saryarqa» quramyn álem chempıony tolyqtyrdy
QARAǴANDY. QazAqparat - Shabýylshy Nıkıta Dvýrechenskıı «Saryarqaǵa» aýysty, dep habarlaıdy QazAqparat qaraǵandylyq klýbtyń baspasóz qyzmetine silteme jasap.
Ótken maýsymdy 29 jastaǵy hokkeıshi Belarýsta bastaǵan. «Shahter» men «Neman» arasyndaǵy 24 matchta ol 8 (2+6) upaı jınady. Keıinirek shabýylshy «Neftıanık» komandasyna kóship, onda 15 oıynda 5 (3+2) upaı jınady.
Aıta keteıik, oıynshy - Reseı quramasyndaǵy jastar komandalary arasynda álem chempıony.
2017-2018 jyldary Pıter «Dınamomen» birge Petrov kýbogyn jeńip alǵan edi. Nıkıta Dvýrechenskııdiń QHL-da óner kórsetý tájirıbesi de bar, ol «Dınamo» (Máskeý), «Vıtıaz» (Podolsk), «Sibir» (Novosibir), «Torpedo» (Nıjnıı Novgorod), «Neftehımık» (Nıjnekamsk) jáne «ıÝgra» (Hanty-Mansıısk) sııaqty komandalardyń namysyn qorǵaǵan.
