Hokkeı: «Saryarqa» Karelııa Respýblıkasynyń quramasyn jeńdi
ASTANA. 23 qazan. QazAqparat - Qaraǵandy qalasynyń «Saryarqa» hokkeı klýby syrt alańda «VMF Karelııa» (Karelııa Respýblıkasy, Kandopoga) komandasyn jeńdi.
Bul oıynda «Saryarqa» esepti birinshi bolyp ashty. Ekinshi kezeńde tarazy basy teńesse de, úshinshi kezeńge deıin Qaraǵandy qalasynyń hokkeı klýby ony 3:1-ge deıin jetkizdi. Sóıtip, Joǵary hokkeı lıgasynyń búgingi aýtsaıderi - «VMF Karelııa» komandasynan basym tústi.
Aıta ketken jón, bıylǵy chempıonattyń basynda «Saryarqa» da durys oınaı almaı, aýtsaıderlerdiń qatarynda bolǵan. Alaıda bertin kele, qarsylastaryn jeńip, jalpytýrnırlik kestemen joǵary qaraı kóterilip keledi. Búginde komanda 20 upaımen 16-shy orynǵa ornalasty. Al lıganyń ózinde 26 hokkeı klýby oınaıdy.
