Hokkeı: «Saryarqa» hokkeı klýby «Qaztsınk-Torpedony» oısyrata utty

Bul oıynda alań ıeleri esepti birinshi bolyp ashty. Olar «Qaztsınk-Torpedonyń» eki mınýttyq aıyp ýaqytyn sheber paıdalanyp, bir oıynshyǵa artyq quramda qaqpashyny qapy qaldyra bildi. Osylaısha, matchtyń alashqy mınýttarynda «Saryarqa» alǵa shyqty. Al birinshi kezeńniń ortasynda taǵy bir shaıbany soǵyp, esepti 2:0-ge jetkizdi. Ekinshi kezeńniń basynda Anatolıı Vasılev dýbl jasasa, Sabahýdın Kovachevıch esep aıyrmasyn 4:0-ge deıin apardy. Úshinshi kezeńde «Saryarqa» óz basymdyǵyn taǵy da ulǵaıtty. Óskemen qalasynyń hokkeı klýby oǵan esh jaýap bere almady. Qorytyndy esep - 5:0.
Osy oıynnan keıin «Saryarqa» taǵy úsh upaıǵa ıe bolyp, jalpytýrnırlik kestede 32 upaımen birden 6-shy orynǵa kóterildi. Al «Qaztsınk-Torpedo» osymen tórtinshi ret utylsa da, 4-shi ornyn saqtap keledi. Onyń enshisinde 36 upaı bar.