Hokkeı: «Saryarqa» hokkeı klýby býlıtten «Tıtannan» utyldy
ASTANA. 25 qazan. QazAqparat - Joǵary hokkeı lıgasynyń kezekti oıyndary aıasynda Qaraǵandy qalasynyń «Saryarqa» hokkeı klýby syrt alańda «Tıtan» (Reseı, Klın) komandasyna jol berip qoıdy.
Oıynnyń birinshi kezeńinde esep ashylǵan joq. Al ekinshi kezeńniń alǵashqy mınýttarynda qarsylastar «Saryarqanyń» qaqpashysyn qapy qaldyryp, alǵa shyqty. Esep - 1:0. Degenmen, matchtyń aıaqtalýyna tórt mınýttaı qalǵanda, Qaraǵandy qalasynyń hokkeı klýby tarazy basyn teńestirdi. Osylaısha, oıyn overtaımǵa aýysty. Alaıda onda da jeńimpaz anyqtalmady. Býllıt serııasynda qarsylastardyń joly boldy. Qorytyndy esep 2:1 (B).
Bul oıynda «Saryarqa» utylsa da, overtaımǵa jetkeni úshin bir upaıǵa ıe boldy. Qazir komandanyń enshisinde barlyǵy 21 upaı bar. Ol jalpy týrnırlik kestede 16-shy ornyn saqtap qaldy.
