HOKKEI: «Saryarqa» Bratına kýbogy fınalynda túmendik «Rýbınmen» baq talastyrady
ASTANA. QazAqparat - Túmenniń «Rýbıni» Joǵary hokkeı lıgasynyń fınalyna shyqty. Endi olar qaraǵandylyq «Saryarqamen» baq talastyrady.
Besinshi jartylaı fınaldyq oıynda «Rýbın» syrt alańda Permdik «Molot-Prıkameni» 4:1 esebimen jeńdi.
Osylaısha, Joǵary hokkeı lıgasynyń aqtyq saıysynda «Rýbın» Qaraǵandynyń «Saryarqa» komandasymen kezdesetin boldy. Al qazaqstandyq klýb jartylaı fınalda JHL jeńimpazy «Torosty» oısyrata jeńip, ótken maýsymdaǵy fınalda súrindirgen qarsylasynan kek aldy.
Fınaldyq serııanyń birinshi matchy Túmende 18 jáne 19 sáýirde bolady. Al 22-23 sáýirde oıyndar Qaraǵandy qalasynda ótedi, dep habarlaıdy Vesti.kz.
