Hokkeı: Reseılikter Ryspaevtyń kelýinen seskenip otyr
NUR-SULTAN. QazAqparat - «Sokol» hokkeı klýby búgin qazaqstandyq «Nomadpen» oıyn alańyna shyǵady, dep habarlaıdy QazAqparat «Novostı Krasnoıarska» basylymyna silteme jasap.
Búgin krasnoıarlyq hokkeıshiler JHL turaqty chempıonaty aıasynda óz alańdaryndaǵy sońǵy matchtaryn ótkizýdi bastaıdy.
Vladıslav Hromyhtyń komandasy «Platıným Arena» muz aıdynynda «Nomadpen» kezdesedi. Match 19:00-de bastalady. Klýbtyń baspasóz qyzmetiniń aıtýynsha, atyshýly hokkeıshi Damır Ryspaev bas qarsylas bolýy múmkin.
„ Onyń muz betinde kóptegen shý shyǵarýy, sondaı-aq «Barystyń» «Kýnlýnge» qarsy matchy kezinde uıymdastyrylǵan tóbelesi hokkeıshiniń ómir boıy sporttan shektetilýimen aıaqtalǵan bolatyn (tóbeles vıdeosy youtube-te 120 mln ret qaraldy). Sonymen birge, Ryspaevtyń KHL-degi dıskvalıfıkatsııasy halyqaralyq oıyndarǵa da qatysty, óıtkeni ol 2017 jylǵy Ýnıversıada men Álem kýbogynda Qazaqstan ulttyq quramasynda oınaı almady».
Bir jyldan keıin sportshyǵa keshirim jasaldy. Endi ol JHL-da «Barystyń» farm-klýby bolyp tabylatyn «Nomad» úshin óner kórsetedi.
Eske salsaq, «Sokol» merziminen buryn pleı-off joldamasyn jeńip aldy, alaıda, aldaǵy oıyndar serııasynda Krasnoıarsk oıynshylaryna tórtinshi orynǵa jetý úshin lajy bolsa kóp upaı jınaýy qajet. Bul óz alańynda Petrov Kýbogynyń 1/8 fınalyn bastaýǵa múmkindik beredi», — dep jazylǵan basylymda.
