Hokkeı: Reseı quramasynyń shabýylshysy 4 jylǵa dıskvalıfıkatsııalandy
NUR-SULTAN. QazAqparat – Hokkeıden Reseı quramasynyń jáne Washington Capitals UHL klýbynyń shabýylshysy Evgenıı Kýznetsov tórt jylǵa dıskvalıfıkatsııalandy. Oǵan sebep – dopıngke qarsy erejeni buzý, dep habarlandy juma, 23 tamyzda Halyqaralyq hokkeı federatsııasynyń (IIHF) saıtynda.
27 jastaǵy hokeıshiniń aǵzasynan kokaın tabylǵan. Dopıng-synama álem chempıonatynda 2019 jyly 26 mamyrda alynǵan. Ol kezde Evgenıı reseılikterdiń quramasynda oınap, qola jeńip alǵan edi.
Dıskvalıfıkatsııa merzimi tórt jyl, 2023 jylǵy 12 maýsymda aıaqtalady, dep kórsetilgen IIHF habarlamasynda.
2019 jyly hokkeıden álemdik birinshilikterde Kýznetsov 10 matchta oınaǵan. Reseı quramasy týrnırdiń qola júldegeri atandy.
