Hokkeı: Ózbekstannyń «Hýmo» klýby Qazaqstan chempıonatynda kósh bastady

TAShKENT. KAZINFORM - Tashkenttiń «Hýmo» hokkeı klýby Qazaqstan chempıonatynda «Aqtóbemen» syrt alańda eki oıyn ótkizdi, dep habarlaıdy Kazinform agenttigi ÓzA-ǵa silteme jasap. 

Ózbekstandyq hokkeıshiler alǵashqy kezdesýde qarsylastarynan 3:1 esebimen basym tústi. Kezdesýde ózbekstandyqtardan Radel Fazleev, Vadım Kravchenko jáne Edgars Sıksna qarsylas qaqpasyna 3 shaıba soqty. 

22 qańtarda ótken ekinshi oıynda «Hýmo» komandasynyń músheleri «Aqtóbeni» 2:0 esebimen jeńdi. 

Osy jeńisten soń «Hýmo» komandasy upaı sanyn 51-ge jetkizip, týrnır kestesinde kósh bastady. «Torpedo Ýst-Kamenogorsk» 50 upaımen ekinshi orynda, «Saryarqa» 48 upaımen úshinshi orynda keledi. 

Eske sala keteıik, qysqy Ýnıversıadada hokkeıden Qazaqstan erler quramasy 5-oryn aldy.