Hokkeı: Oralda balalar arasyndaǵy el chempıonaty márege jetti
ORAL. QazAqparat - Oraldaǵy jabyq muz aıdyny saraıynda búgin 2008 jylǵy balalar arasynda shaıbaly hokkeıden el birinshiligi márege jetti, dep habarlaıdy QazAqparat tilshisi.
Qazaqstan chempıonatynyń úshinshi, qorytyndy týry Aq Jaıyqta alǵash ret uıymdastyryldy.
Birinshilikke respýblıka óńirlerinen barlyǵy segiz komanda qatysyp, 7-10 sáýir kúnderi baq synady.
Jarys qorytyndysynda Almaty oblysynyń «Strıjı» komandasy jeńimpaz atansa, Almaty qalasynyń «Almaty» komandasy ekinshi, shymkenttik «Tornado» úshinshi orynǵa ıe boldy. BQO quramasy tórtinshi orynǵa taban tiredi.
Sonymen qatar jekelegen úzdik oıynshylar marapattaldy. Atap aıtqanda, Arsenıı Kýchkovskıı «úzdik qaqpashy», Denır Óteev «úzdik qorǵaýshy» (ekeýi de «Strıjı» komandasynan), Svıatoslav Horchenko («Tornado») «úzdik shabýylshy», Danııl Kazachkov («Almaty») «eń nátıjeli oıynshy» atandy.
BQO shaıbaly hokkeı federatsııasynyń prezıdenti Arkadıı Rýbtsovtyń aıtýynsha, balǵyn hokkeıshiler bólimshesi jabyq muz aıdyny saraıynda tek 2013 jyly ashylyp, oǵan tórt jasar balalar qabyldanǵan edi. Qazir onda 126 balǵyn jattyǵýda. Bes jyl ishinde batysqazaqstandyq «ıAstreby» komandasy biraz tabystarǵa qol jetkizdi. Mysaly, jýyrda BQO quramasy Reseı men kórshiles Aqtóbe qalasynda ótken jarystan júldemen oraldy.
