Hokkeı: Olımpıadalyq irikteý oıyndarynda Qazaqstan quramasy Frantsııany utty
ASTANA. 8 aqpan. QazAqparat - Hokkeıden Sochı olımpıadasyna irikteý oıyndary bastaldy. Qazaqstan quramasynyń erler komandasy - Rıgada, qyzdarymyz Vaıden qalasynda joldamaǵa talasýda,
dep habarlaıdy «Alaman».
Jigitter jarysty sátti bastady. Alǵashqy oıynda Frantsııamen kezdesken Krıkýnovtyń shákirtteri 3:2 esebimen jeńiske jetti. Shaıba avtorlary - Roman Starchenko, Konstantın Romanov jáne Talǵat Jaılaýov. «Jańa qazaq» Kevın Dallman ulttyq quramadaǵy alǵashqy resmı matchyn ótkizdi.
Qazaqstan aldaǵy ýaqytta Ulybrıtanııamen jáne aıdyn ıeleri Latvııamen kezdesedi.
Al qyzdarymyz ókinishke oraı, irikteýdiń alǵashqy matchynda Chehııadan jeńildi - 1:5. Osylaısha olar joldamanyń aýylynan alystaı tústi. Alda Qytaı jáne Germanııamen kúsh synasý kútip tur.
