Hokkeı: Olımpıadaǵa irikteý týrnırine qatysatyn el quramasy anyqtaldy
NUR-SULTAN. QazAqparat – 6-9 aqpan kúnderi «Barys Arenada» ótetin Olımpıadaǵa irikteý týrnırine qatysatyn Qazaqstan quramasy anyqtaldy, dep habarlaıdy QazAqparat tilshisi.
Qazaqstan hokkeı federatsııasy málim etkenindeı, el namysyn negizinen «Barys» oıynshylary qorǵaıdy.
Qaqpashylar: Henrık Karlsson, Sergeı Kýdrıavtsev, Denıs Karataev (bári de – «Barys»)
Qorǵaýshylar: Egor Shalapov, Leonıd Metalnıkov, Valerıı Orehov, Darren Dıts, Djessı Bleker, Nıkıta Kleşenko, Alekseı Maklıýkov (bári de – «Barys»)
Shabýylshylar: Talǵat Jaılaýov, Nıkıta Mıhaılıs, Kertıs Volk, Egor Petýhov, Pavel Akolzın, Dastın Boıd, Roman Starchenko, Arkadıı Shestakov, Dmıtrıı Gýrkov, Anton Sagadeev, Dmıtrıı Shevchenko (bári de – «Barys), Naıdjel Doýs («Avtomobılıst»), Evgenıı Rymarev («Torpedo»).
El quramasyn «Barystyń» bas bapkeri Andreı Skabelka jattyqtyrady.
Qazaqstandyqtar H tobynda Ýkraına, Polsha jáne Nıderlandy komandalarymen synǵa túsedi. 6 aqpanda Ýkraınamen, 7-sinde Nıderlandymen, 9-ynda Polsha quramasymen oınaıdy.
2022 jyly Beıjińde ótetin Olımpıada joldamasyna kúresti jalǵastyrý úshin Qazaqstan quramasy osy topta birinshi orynǵa ıe bolýy kerek. Іrikteýdiń fınaldyq kezeńi 27-30 tamyzda Slovakııa, Latvııa jáne Norvegııada ótedi. Olımpıada oıyndaryna qatysýǵa barlyǵy 46 qurama nıet bildirgen.
Qazaqstandyqtar buǵan deıin Olımpıadaǵa eki márte qatysty. 1998 jyly shırek fınalǵa deıin jetip, úzdik segizdiktiń qatarynan kórinse, 2006 jyly toǵyzynshy orynǵa taban tiredi.
